കാർഗിൽ വീരമൃത്യുവരിച്ച ക്യാപ്റ്റൻ വിക്രമിന്റെ പിതാവ് റിട്ട.ലഫ്റ്റനന്റ് കേണൽ പി കെ പി വിശ്വനാഥ പണിക്കർ അന്തരിച്ചു

കോഴിക്കോട് | കാർഗിൽ യുദ്ധത്തിൽ വീരമൃത്യുവരിച്ച ക്യാപ്റ്റൻ വിക്രമിന്റെ പിതാവ് റിട്ട.ലഫ്റ്റനന്റ് കേണൽ പി കെ പി വിശ്വനാഥ പണിക്കർ(82) അന്തരിച്ചു. മറ്റൊരു യുദ്ധ സാഹചര്യത്തിൽ രാജ്യം നിൽക്കുമ്പോഴാണ് അദ്ദേഹത്തിന്റെ അന്ത്യം. 1999ലെ കാർഗിൽ യുദ്ധത്തിൽ ക്യാപ്റ്റൻ വിക്രമിന്റെ വീരമൃത്യു കോഴിക്കോടിന്റെ ഹൃദയത്തിൽ കടുത്ത ആഘാതമായിരുന്നു. വെസ്റ്റ്ഹിൽ സൈനിക മൈതാനത്തിന് ക്യാപ്റ്റൻ വിക്രമിന്റെ പേരു നൽകുകയുണ്ടായി

1965ലെയും 1971ലെയും ഇന്ത്യ-പാക്ക് യുദ്ധങ്ങളിൽ പങ്കെടുത്ത റിട്ട.ലഫ്.കേണൽ പി കെ പി വി പണിക്കരുടെ അന്ത്യം പന്നിയങ്കരയിലെ ഗുൽമോഹർ ഫ്ളാറ്റിലായിരുന്നു. റോട്ടറി ക്ലബ് ഓഫ് കാലിക്കറ്റ് മുൻ പ്രസിഡന്റായിരുന്നു.

ഭാര്യ:പന്നിക്കോട്ട് കല്യാണി പണിക്കർ. മകൻ: ഡോ.കേശവ്(ഡയറക്‌ടർ ഐ ടി കമ്പനി,യു കെ), മരുമകൾ: അനുപമ. സഹോദരങ്ങൾ: ഗംഗമ്മ(ഒറ്റപ്പാലം), സരസമ്മ(ഹൈദരാബാദ്), രഘുനാഥ പണിക്കർ(പാലക്കാട്), വിജയഗോപാലകൃഷ്‌ണൻ(എറണാകുളം),

പരേതരായ പത്മനാഭപണിക്കർ, കോമളവല്ലി അമ്മ, ശാരദാമ്മ, അംബുജാക്ഷിഅമ്മ, ശാന്തമ്മ.

ശവസംസ്കാരം ഞായറാഴ്‌ച വൈകീട്ട് ഏഴിന് മാനാരി ശ്ശമാശനത്തിൽ.